പത്മ ലിസ്റ്റില്‍ മമ്മൂട്ടിയുള്‍പ്പെടെ നാലു മലയാളികള്‍

കേന്ദ്ര സര്‍ക്കാറിനു സമര്‍പ്പിച്ച പത്മ പുരസ്കാര പട്ടികയില്‍ മമ്മൂട്ടിയുള്‍പ്പെടെ നാലു മലയാളികള്‍ .വൈദ്യരത്നം രാഘവന്‍ തിരുമുള്‍പാട് സംവിധായകന്‍ ബ്ളസ്സി സാമൂഹിക പ്രവര്‍ത്തക സുനിതാക്രിഷ്ണന്‍ എന്നിവരാണു ലിസ്റ്റിലുള്ള മറ്റു മലയാളികള്‍.സംസ്ഥാന സര്‍കാറില്‍ നിന്നും സന്നദ്ധ സംഘടനകളില്‍ നിന്നും ലഭിച്ച 1303 പേരുകളില്‍ നിന്നാണു പരിശോധനാ സമിതി 33 പേരുകള്‍ നിര്‍ദേശിച്ചത്.സുപ്രിം കോടതി നിര്‍ദേശ പ്രകാരം നിയോഗിച്ച നാരായണന്‍ കമ്മിറ്റി ശുപാര്‍ശയുടെ അടിസ്ഥാനത്തിലാണു പ്രാഥമിക പരിശോധന നടത്താന്‍ സമിതിയെ നിയോഗിച്ചത്.

കമ്മിറ്റി അംഗങ്ങള്‍ ആദ്യം തയ്യാറാക്കിയ 30 അംഗ പട്ടികയില്‍ വൈദ്യശാസ്ത്രരംഗത്തു നിന്നും പ്രൊഫ,കെ മോഹന്‍ദാസിന്റെ പേരും ഉള്‍പെട്ടിരുന്നു.1303 അംഗ പട്ടികയില്‍ കേരളാത്തില്‍ നിന്നു നൂറോളം പേരുകള്‍ ഉള്‍പെട്ടിരുന്നു.മമ്മൂട്ടി,ജയറാം ,പി ജയചന്ദ്രന്‍,കാനായി കുഞ്ഞിരാമന്‍ ,എന്നിവരുടെ പേരുകള്‍ തമിഴ്നാട്ടില്‍ നിന്നാണു ശുപാര്‍ശ ചെയ്തിട്ടുള്ളത്.സര്‍ക്കാറാണോ മറ്റേതെങ്കിലും സംഘടനകളാണോ ഇവരെ ശുപാര്‍ശ ചെയ്തതെന്നു വ്യക്തമല്ല.കേരളത്തില്‍ നിന്നും പരിഗണിച്ചവരുടെ ലിസ്റ്റില്‍ ഓ എന്‍ വി കുറുപ്പ്, ഷാജി എന്‍ കരുണ്‍,സൂര്യാ ക്രിഷ്ണമൂര്‍ത്തി,മാര്ഗ്ഗി സ്തി,എം ജി എസ് നാരയണന്‍,എം കെ അര്‍ജ്ജുനന്‍,കുടമാളൂര്‍ ശര്‍മ്മ,ജെ ഹരീന്ദ്രന്‍ നായര്‍,യൂസഫലി കേച്ചേരി,കെ പി എ സി ലളിത,പെരുവനം കുട്ടന്‍ മാരാര്‍,എം ജി ശ്രീകുമാര്‍,കേ ജെ യേശുദാസ്,എന്നിവരുടെ പേരുകളും ഉള്‍പെടുന്നു.