പുതുമുഖം 51; നോണ്‍സ്‌റ്റോപ്പ് മമ്മൂട്ടി New Face 51;Non stop Mammootty

പുതുരക്തം തേടിയുള്ള മമ്മൂട്ടിയുടെ യാത്ര അവസാനിയ്ക്കുന്നില്ല. ഷൂട്ടിങ് പുരോഗമിയ്ക്കുന്ന സോഹന്‍ലാലിന്റെ ഡബിള്‍സിന് പിന്നാലെ ഈ വര്‍ഷം മറ്റൊരു പുതുമുഖ സംവിധായകനൊപ്പം കൈകോര്‍ക്കും. ലാല്‍ജോസിന്റെ കളരിയില്‍ നിന്നും സംവിധാനം പഠിച്ച അനൂപ് കണ്ണന്‍ സംവിധാനം ചെയ്യുന്ന സിനിമയിലായിരിക്കും മമ്മൂട്ടി അഭിനയിക്കുക.

ഇനിയും പേരിട്ടിട്ടില്ലാത്ത സിനിമയുടെ തിരക്കഥയൊരുക്കുന്നത് ജെയിംസ് ആല്‍ബര്‍ട്ടാണ്. ക്ലാസ്‌മേറ്റ്, ഇവിടം സ്വര്‍ഗ്ഗമാണ് എന്നീ സൂപ്പര്‍ചിത്രങ്ങള്‍ ഒരുക്കിയിട്ടുള്ള ആല്‍ബര്‍ട്ടിന്റെ ആദ്യ മമ്മൂട്ടി

ചിത്രമായിരിക്കും ഇത്. മമ്മൂട്ടി അവതരിപ്പിയ്ക്കുന്ന അമ്പത്തിയൊന്നാമത്തെ പുതുമുഖ സംവിധായകനാണ് അനൂപ് കണ്ണന്‍,.

ഷാജി കൈലാസ് -രഞ്ജിപണിക്കര്‍ ടീമിന്റെ മമ്മൂട്ടി സുരേഷ്‌ഗോപി ചിത്രമായ ദി കിംഗ് ആന്റ് ദി കമ്മീണര്‍' പൂര്‍ത്തിയാക്കിയതിനുശേഷമാവും മമ്മൂട്ടി അനൂപ് ചിത്രത്തിന്റെ ലൊക്കേഷനിലേക്ക് പോവുക.